Jóga · Öndun · Djúpslökun · Vatnsmeðferð · Heilun
Hjartaheimar
Mættu þér eins og þú ert
Jóga, öndun, djúpslökun, vatnsmeðferð og Reikiheilun gefa þér mýkt, nærveru og stund til að hægja á og einfaldlega vera.
Fastir opnir jógatímar · mið. 17:15 & fös. 12:00 → Værð & Mildi · lau. 10:00 →
Jógatímar
Jóga · Öndun · Djúpslökun
Fastir opnir tímar:
Miðvikudaga kl. 17:15
Föstudaga kl. 12:00
B4 · Bolholt 4 · 4. hæð
60 mínútur · 3.500 kr
Allir velkomnir, óháð reynslu.
Jóga hjá Hjartaheimum snýst um að koma heim í líkamann með mjúkri en markvissri hreyfingu, öndun og nærveru. Áherslan er ekki á að ná ákveðinni stöðu, heldur á að hlusta á líkamann og losa um óþarfa spennu.
Við vinnum meðal annars með jóga í anda Raja og Ashtanga jóga, þar sem öndunin er rauði þráðurinn í gegnum tímann. Við notum Ujjayi öndun í hreyfingum og gefum sérstakan gaum að því að mýkja kviðinn, fylla lungun, lengja hrygginn og leyfa mjöðmum og líkama að losna smám saman.
Öndunin fær sérstakt rými í tímunum. Við lærum að nota hana meðvitað til að skapa meiri nærveru og tengingu við líkamann.
Þessir tveir tímar í viku hverri verða fastur punktur sem þú getur alltaf treyst á. Þú ert velkomin hvort sem þetta er fyrsti tíminn þinn eða þú kemur aftur og aftur.
Nánar um öndunartæknina í tímanum
Þreföld öndun (Dirgha Pranayama)
Öndun þar sem við lærum að nota lungun til fulls og leyfum andardrættinum að verða hægari, dýpri og mýkri.
Ujjayi öndun
Mjúk og meðvituð öndun sem fylgir okkur í gegnum jógaiðkunina og hjálpar okkur að halda athyglinni inni í líkamanum.
Anuloma Viloma
Víxlöndun þar sem andað er til skiptis um nasir. Hún er notuð til að hægja á, beina athyglinni inn á við og undirbúa okkur fyrir slökun og kyrrð.
Í lok tímans · Djúpslökun · Nidra
Tíminn endar alltaf í djúpri slökun (Yoga Nidra) þar sem róleg og markviss leiðsögn fylgir þér í gegn. Athyglinni er beint inn í líkamann, að öndun og innri upplifun, og líkami og hugur fá að sleppa smám saman inn í dýpri hvíld.
Þú þarft ekkert að gera eða kunna. Þú leggst einfaldlega niður, lokar augunum og fylgir leiðsögninni. Líkami og hugur fá að hægja á sér og sökkva smám saman inn í djúpa hvíld.
Hægðu áAndaðuSlepptuHvíldu
Bóka í opinn tíma · mið. 17:15 & fös. 12:00
Værð & Mildi · jóga og tónheilun
Í samstarfi við LovE Yoga:
Laugardaga kl. 10:00
Bolholt 4
Jóga, öndun, slökun og tónheilun. Opnir tímar, bókað og skráð hjá LovE Yoga.
Tíminn hefst á djúpri þrefaldri öndun, Dirgha Pranayama, og haföndun (Ujjayi) fylgir okkur svo í gegnum mjúkt jógaflæði í anda Raja og Ashtanga jóga, hreyfingu sem mýkir, styrkir og losar um spennu, án þess að miða að fullkomnun.
Lifandi tónheilun frá skálum, gongi og öðrum hljóðfærum fylgir allan tímann, ofin inn í öndun, hreyfingu og hvíld, stundum björt og létt, stundum djúp og jarðtengd.
Tíminn endar á víxlöndun (Anuloma Viloma) og 30 mínútna leiddri djúpslökun undir teppi, þar sem tónheilunin heldur áfram að hljóma um rýmið.
FinnaAndaLeyfa
Þú þarft ekki að vera liðug/ur eða hafa stundað jóga áður. Komdu eins og þú ert.
Fimmtudagar með Gullu
Stund bara fyrir þig
Á fimmtudögum tekur Gulla á móti þér í einkatíma í Bolholti 4. Veldu jóga, öndun og leidda djúpslökun eða Reikiheilun. Stundin er aðlöguð að þínum þörfum og líðan.
Langar þig að koma? Sendu Gullu línu með óskum þínum og þið finnið tíma sem hentar.
Einkatímar
Einstaklingsmiðuð stund, aðeins fyrir þig
Í einkatíma gefst tækifæri til að fara hægar, dýpra og aðlaga stundina að þínum þörfum og líðan. Að öllu jöfnu kemur Gulla til þín og tímarnir eru heima hjá þér, en á fimmtudögum er hún í Bolholti 4 og tekur á móti þér þar. Þú getur valið á milli:
Jóga · Öndun · Djúpslökun
Einstaklingsmiðuð stund með áherslu á hreyfingu, öndun og djúpa slökun, löguð að þínum aðstæðum.
Vatnsmeðferð · Aguahara
Djúp vatnsupplifun þar sem stutt er við þig allan tímann í sundlaug.
Reikiheilun
Mild orkumeðferð þar sem þú færð rými til að taka á móti, hlusta inn á við og njóta kyrrðar.
Veldu það sem kallar á þig.
Einkatími
Reikiheilun
Reiki er japönsk orkumeðferð sem byggir á þeirri hugmynd að lífsorka flæði í gegnum allt sem lifir. Í Reikimeðferð leggst þú á bekk í rólegu umhverfi á meðan hendur eru lagðar létt á líkamann eða þeim er haldið rétt fyrir ofan hann. Unnið er eftir ákveðnu flæði og athyglinni beint að ólíkum svæðum líkamans.
Margir upplifa hlýju, titring, léttleika eða djúpa kyrrð meðan á meðferðinni stendur. Hjá sumum verður hugurinn kyrrari, á meðan aðrir finna sterkari tengingu við líkamann eða upplifa að tilfinningar sem hafa verið undir yfirborðinu fái rými. Upplifunin er þó einstaklingsbundin og engar tvær meðferðir eru eins.
Reiki er notað til að styðja við jafnvægi, vellíðan og slökun. Þetta er falleg leið til að gefa sér tíma til að stoppa, hlusta inn á við og taka eftir því sem líkaminn og hugurinn eru að segja. Þú þarft aðeins að koma eins og þú ert og leyfa þér að taka á móti.
Stund til að veraStund til að taka á mótiStund fyrir þig
Einkatími
Vatnsmeðferð · Aguahara
Vatnið heldur þér. Aguahara er djúp vatnsupplifun þar sem þú flýtur í sundlaug á meðan við styðjum við líkamann allan tímann með mjúkum og flæðandi hreyfingum.
Með því að losa um þyngdaraflið getur líkaminn smám saman gefið eftir og hugurinn hægir á sér. Þú þarft ekki að gera neitt – aðeins að leyfa þér að fljóta, anda og treysta.
Hluti af upplifuninni fer fram undir yfirborði vatnsins, þar sem notuð er nefklemma og þú ert áfram í algeru flæði og stutt við líkamann allan tímann. Þegar umhverfishljóðin minnka getur skapast djúp kyrrð, þyngdarleysi og sterkari tenging við líkamann og innra rýmið.
Þú ræður alltaf þínum mörkum og ferð aðeins eins langt og þér líður vel með.
Þú mátt bara fljóta.
Fleiri valmöguleikar
Fimmtudagar með Gullu
Einkatími í Bolholti 4, jóga, öndun og djúpslökun eða Reikiheilun.
Skoða →Einkatímar
Einstaklingsmiðuð stund í jóga, vatnsmeðferð eða Reiki, aðeins fyrir þig.
Skoða →Reikiheilun
Mild orkumeðferð og djúp kyrrð, stund til að taka á móti.
Skoða →Vatnsmeðferð · Aguahara
Djúp vatnsupplifun í sundlaug þar sem þú mátt bara fljóta.
Skoða →Um mig
Kynnstu Guðlaugu og sögunni á bak við Hjartaheima.
Skoða →Sjálfsþekking
Gene Keys, Human Design og Enneagram, leiðir til að kynnast sjálfum þér.
Skoða →Tónlist
Lagalistar til að hlusta á heima eða rifja upp andrúmsloftið.
Skoða →
Um mig
Guðlaug Ósk Pétursdóttir
Ég er jógakennari, gullsmiður og tómstunda- og félagsmálafræðingur. En undir öllum þessum hlutverkum liggur sama forvitnin um það sem býr undir yfirborðinu: tengslin milli líkama, huga, tilfinninga og orku.
Hjartaheimar urðu til út frá þeirri löngun að skapa rými þar sem ekkert þarf að laga eða flýta, bara gefa okkur tíma til að vera.
Ég hef starfað á ólíkum sviðum sem hafa kennt mér margt um manneskjuna og lífið, og í dag sameina ég það í gegnum jóga, öndun og djúpslökun, vatnsmeðferð og Reikiheilun.
Mér finnst sérstaklega fallegt hvernig ólíkar leiðir geta unnið saman. Stundum þurfum við hreyfingu og öndun. Stundum þurfum við að láta vatnið bera okkur. Stundum þurfum við einfaldlega að liggja kyrr og leyfa líkamanum að slaka á.
Ég trúi á visku líkamans. Markmiðið mitt er ekki að segja þér hvernig þú átt að vera, heldur að skapa öruggt rými þar sem þú getur tengst þér á þínum eigin forsendum.
Verið velkomin í Hjartaheima.
Hafðu samband
Segðu mér frá þér
Hvort sem þú ert að velta fyrir þér einkatíma, námskeiði eða ert bara með spurningu, sendu þá línu og við finnum út úr því saman.
- Netfang
- Gulla@hjartaheimar.is
- Sími
- 867 8743
- Staðsetning
- Bolholt 4, 4. hæð, Reykjavík
Umsagnir
„Það var svo dásamlegt að koma í jóga til Gullu. Hún er með yndislega, róandi nærveru sem gerir það að verkum að manni líður vel um leið og maður kemur inn. Jógatíminn hitti algjörlega í mark hjá mér og öndunaræfingarnar voru krefjandi á svo góðan hátt. Allt svo nærandi fyrir taugakerfið. Mæli svo innilega með.“
Guðríður
„Yndisleg og nærandi jógaupplifun og Aguahara vatnsmeðferð hjá Guðlaugu. Hún er einstaklega flottur kennari, með hlýja og góða nærveru sem skapar rólegt og öruggt umhverfi. Mér leið mjög vel í tímunum hjá henni og náði góðri slökun. Endurnærandi upplifun sem ég mæli hiklaust með.“
Íris
Sjálfsþekking
Leiðir til að kynnast sjálfum þér á dýpri hátt
Stundum getur verið hjálplegt að fá nýtt sjónarhorn á það hver við erum, hvernig við bregðumst við, hvað drífur okkur áfram og hvernig við tengjumst öðrum. Gene Keys, Human Design og Enneagram eru ólíkar leiðir sem geta opnað nýja sýn á persónuleika, mynstur, styrkleika og áskoranir, verkfæri til sjálfsskoðunar, ekki til að skilgreina okkur eða setja í kassa.
Nánar um Gene Keys, Human Design og Enneagram
Gene Keys
Ferðalag inn á við sem getur hjálpað þér að skoða eigin mynstur, áskoranir og hæfileika og sjá þau frá nýju sjónarhorni.
Human Design
Kerfi sem skoðar hvernig fólk er samsett, hvernig ákvarðanir eru teknar og hvernig samskipti við umhverfið mótast.
Enneagram
Leið til að skoða persónuleikamynstur, hvata og ómeðvitaðar leiðir sem við notum til að bregðast við lífinu og skapa öryggi.
Markmiðið er ekki að finna út hver þú „ættir“ að vera, heldur að sjá þig skýrar, eins og þú ert.
Þessir tímar eru bókanlegir sem einkatímar.
Tónlist
Lagalistar
Til að hlusta á í ró heima, eða rifja upp andrúmsloftið eftir tíma.